Кіраўніцтва Міністэрства лясной гаспадаркі Рэспублікі Беларусь


Дрожжа.jpg

ДРОЖЖА Віталь Аляксандравіч

Міністр лясной гаспадаркі Рэспублікі Беларусь

Нарадзіўся ў 1978 годзе ў г.п.Карэлічы Гродзенскай вобласці. 

У 2000 годзе скончыў Беларускі дзяржаўны тэхналагічны ўніверсітэт, у 2011 годзе - Акадэмію кіравання пры Прэзідэнце Рэспублікі Беларусь.

Працоўную дзейнасць пачынаў у Лагойскім лясгасе на пасадзе рабочага. У 2000-2001 гадах служыў у органах унутраных спраў. У 2001-2006 гадах - ляснічы Чырвона-Швабскага лясніцтва Лагойскага лясгаса. У 2006-2008 гадах - галоўны інспектар аддзела кантрольна-рэвізійнай работы і дзяржаўнага кантролю за лесам Міністэрства лясной гаспадаркі Беларусі. З 2008 па 2013 год кіраваў Бабруйскім лясгасам.

З 2013 года да красавіка 2018 года працаваў на пасадзе генеральнага дырэктара дзяржаўнай прыродаахоўнай установы "Нацыянальны парк "Браслаўскія азёры".

5 красавіка 2018 года прызначаны Міністрам лясной гаспадаркі Рэспублікі Беларусь. 



Шатравко.jpg 

ШАТРАЎКА Валянцін Генадзьевіч

Першы намеснік Міністра лясной гаспадаркі Рэспублікі Беларусь

Нарадзіўся 18 жніўня 1964 г. у в.Вейна Лагойскага раёна Мінскай вобласці.

У 1986 г. скончыў Беларускі тэхналагічны інстытут імя С.М.Кірава ( "Лясная гаспадарка"), у 1996 годзе - Акадэмію кіравання пры Прэзідэнце Рэспублікі Беларусь ( "Эканоміка і кіраванне вытворчасцю"). Кандыдат сельскагаспадарчых навук.

Свой працоўны шлях пачынаў з пасады рабочага Задор'еўскага лясніцтва Лагойскага лясгаса. Мае вялікі досвед працы ў органах дзяржаўнай улады (Савет Міністраў Рэспублікі Беларусь, Міністэрства лясной гаспадаркі, Міністэрства эканомікі).

У 2017-2018 гг. - начальнік галоўнага ўпраўлення ўстойлівага развіцця Міністэрства эканомікі Рэспублікі Беларусь.

16 лістапада 2018 года прызначаны першым намеснікам Міністра лясной гаспадаркі Рэспублікі Беларусь.

        

Креч В.И..jpg 

КРЭЧ Уладзімір Іванавіч 
Намеснік Міністра лясной гаспадаркі Рэспублікі Беларусь

Нарадзіўся 8 лютага 1980 г. у ст.Нясета Клічаўскага раёна Магілёўскай вобласці.

У 2003 г. скончыў Беларускі дзяржаўны аграрны тэхнічны універсітэт ("Тэхнічнае забеспячэнне працэсаў сельскагаспадарчай вытворчасці"), у 2009 г. - Беларускі дзяржаўны тэхналагічны універсітэт ("Лесазнаўства і лясная гаспадарка"), ў 2015 г. - Акадэмію кіравання пры Прэзідэнце Рэспублікі Беларусь ("Дзяржаўнае і мясцовае кіраванне ").

У сістэме лясной гаспадаркі пачаў працаваць з 2006 года з пасады галоўнага інжынера дзяржаўнай лесагаспадарчай установы «Клічаўскі лясгас». Да гэтага працаваў у жыллёва-камунальным комплексе.

З 2010 па 2018 гг. - галоўны інжынер Магілёўскага дзяржаўнага вытворчага лесагаспадарчага аб'яднання.

16 лістапада 2018 года прызначаны намеснікам Міністра лясной гаспадаркі Рэспублікі Беларусь.